يمكن رمضان الجاي لشاعر الصعيد محمد أحمد اسماعيل

كتب أحمد عكاشة

شاعر الصعيد محمد أحمد اسماعيل ابن محافظة سوهاج يكتب يمكن رمضان الجاي وما أحوجنا إلى لمة العائلة
يمكن رمضان الجاي
تتلم العيلة حوالين براد الشاي
و تطيب مشاعرها .. بمشاعرها
و تلم العمر المتبعتر ف سنين مواجعها اليومية
يمكن نصحي في البدرية
و نلاقي الحلوة بتعجن
من قمح الوادي التاني
المتخضر في الصحرا الغربية
أو ..نلقى القطن المصري
طويل التيلة … و الحيلة
راجع م الغربة بعد غياب
راجع م الغربة … و مزروع
على كتف الفقرا … شال
و ف عب الأيام البيضا … شباب